Interesante escolma das librarías “mais bonitas do
mundo” que fai o blogue "Soñando Cuentos". A primeira, a Libraría Alta Acqua
en Venecia, onde cando a marea sube a libraría énchese de auga e por isto os
libros están estratexicamente postos en alto, nunha bañeira, nunha góndola...
Este Nadal que irei a Venecia penso buscala! A segunda é a libraría Lello e
Irmão en Porto (Portugal). Nesta si que estiven, parecía que volvías atrás no
tempo, ou que estabas no mundo de Harry Pottter, que de feito foi escenario
para algunhas secuencias desta película. A terceira é a Libraría Grand
Splendid, sita no antigo teatro do que colle o nome en Buenos Aires. O parecer
conserva toda a súa estrutura, escenario e palcos incluídos!. Un sitio ideal
para ler mentres tomas un café no escenario ou gozar da incrible arquitectura
do antigo Teatro. Por último a Libraría Atlantis
Books na illa de Santorini, en Grecia. Quen diría desde fora que este é unha
libraría! Ler un libro con estas vistas si que debe relaxar!
Porque o deseño
tamén é cultura, e a creatividade destas formas non teñen desperdicio. A
primeira imaxe é un pousa vasos que cando rematas de comer, e estas aburrido
pois podes xogar cos anaquiños!
Este é un dos
proxectos fotográficos que máis me chamou a atención, da fotógrafa Jennifer
Casey . Son fotografías que constrúen
unha reportaxe moi doce e con moito gusto, falan por si soas. Artesáns do
chocolate que ademais conseguen un toque de deseño cos seus orixinais
envoltorios.